Lapikoan / Artikuluak / Biziaren zientziak

Burdina eta imana hegaztiak garbitzeko

2004/04/15 Elhuyar

Fuel-olioz zikindutako hegaztiak garbitzeko, ohiko detergenteez gain, beste metodo bat ere bada. Funtsean, zikindutako hegaztia burdin hautsez estaltzean datza.

Burdinak fuel-olioa absorbatzen du, eta, iman batekin igurtziz, burdina eta fuel-olioa biak kentzen dira hegaztiaren lumetatik. Orain arte erabili ohi den metodoa baino azkarragoa da, eta, horregatik, hegaztiarentzat ez da hain estresagarria.

Dena dela, metodoa hobetu nahian ari dira; izan ere, burdin hautsa erabilita ez da ezabatzen hegaztiaren lumetako fuel-olio guztia, % 2 bertan geratzen da. Eta olio-apur horrek kalte besterik ez die egiten lumei. Beraz, behar-beharrezkoa da lumak guztiz garbitzea.