Kaixo!!!

Amaitu da, jada, bosgarren proba bidaltzeko epea.

Beti bezala, hiru lanik hoberenak zein diren ikusteko, jo
Zuen Txokoa atalera.

Mila esker zuen parte-hartzeagatik, eta presta zaitezte seigarren probako!

Hona zer eskatzen zen:

5. proba:

Kaixo, lagunok!

Ikusi dugu asmakizunetan oso ondo astintzen duzuela burua, bai horixe!

Azkenotan jakin dut animaliok zenbakietarako dugun sena ikaragarria dela. Bitxikeria bat kontatuko dizuet!

Liztor bakartia da zenbakietarako sen horren adibide. Liztor amak arrautzak jartzen dituenean, arrautza bakoitza gelaxka batean jartzen du, eta beldar-
-kopuru bat jartzen du gelaxka bakoitzean, kumeak jaiotakoan jatekorik izan dezaten. Bada, beldar-kopuru bera jartzen du amak gelaxka bakoitzean. Zenbatuko ditu, orduan? Eta, are gehiago, Eumenus liztorren artean, amak badaki arrautza batetik jaioko dena arra ala emea izango den. Eumenus liztorretan emeek arrek baino tamaina handiagoa dute. Horregatik, arrautzakoa emea izango bada, 10 beldar jartzen ditu amak gelaxkan; arra izango bada, berriz, 5 beldar!

Guk ere badugu zenbakietarako sena, baina hori ere landu egin behar dugu, ezta?

Oraingoan, bada, beste urrats bat egingo dugu. Zenbakiekin jolastuko gara; prest?

Ebatz itzazue honako lau joko matematiko hauek.

Ondo pasaaaa, Tomasa!

 

Lore magikoa	Hutsunean zer?
Zenbakien gurutzegrama	Sei zenbaki

Erantzun zuzenak

ARAUAK

Erantzunak bidaltzeko epea: otsailaren 14ra arte.

Otsailaren azken astean jakin ahalko duzue erantzunen puntuazioa. Bosgarren proba honetako puntuek azken sarirako balioko dute.

Zer hartuko dugu kontuan? Badakizue, hiru irizpide hartuko ditugu kontuan lanak saritzeko: originaltasuna, egokitasuna eta zenbat landu den. Horien arabera, hiru lan aukeratuko ditugu. Irabazleak 10 puntu jasoko ditu, bigarrenak 8 puntu lortuko ditu eta hirugarrenak, berriz, 6 puntu. Lehengo saria jasotzen duenak, puntuez gain, gela osoarentzako saria jasoko du. Gainerako lanek, 3 puntu eskuratuko dituzte, epez kanpo bidaltzen dutenek 1 puntu eta probarik bidaltzen ez duten ikasgelek 0 puntu izango dute.

Erantzunak nola bidali: zuen erantzunak zernola@elhuyar.com helbidera bidali behar dituzue. OSO GARRANTZITSUA DA mezuaren gaian probaren zenbakia edo izena, ikastetxearen izena eta gelaren maila jartzea. Adibidez, Laudioko Txirriplausta ikastolako DBHko 1A gelak lehen probaren erantzuna bidali nahiko balu, gaian testu hau gehitu beharko luke: "1. proba-Txirriplausta ikastola-DBH1A".

Animo, has zaitezte lanean!!! Zuen erantzunen zain gaude!

BABESLEA

Hilabete honetako probaren babeslea eta sari-emailea:

 

SARIA

ZIENTZIAREN KUTXAGUNEA ikusteko sarrerak gela guztiarentzat.