6. proba:

 

Kaixo lagunok!

Aurrekoan bezala, proba hau ebazteko txantiloi bat bete behar duzue. Egin klik loturan, eta gorde zuen diskoan. Bestalde, paketetxo bat jasoko duzue ikastetxean zuen izenean. Ezin izango duzue probarekin hasi pakete hori jaso arte. Ondoren, irakurri proban zer eskatzen dizuegun, eta bete ezazue txantiloia, ados?

Hel diezaiogun, bada, probari! Prest?

 

Hartu arnasa, bete ondo birikak eta hustu poliki-poliki. Zer sumatu duzue? Bai, arrazoia duzue, badator udaberria! Garai aproposa kanpora atera eta, adibidez, ibai batera hurbiltzeko. Ibai batera, zertara? Freskatzera? Ez, oraindik ez du bero handirik egiten. Siesta egitera? Ez dago gaizki, baina... zer iruditzen zaizue biologo bihurtuko bagina? Uraren kalitateari begiratzea izango da helburua, ea zer moduz dabilen osasunez ibai hori. Bost galdera dituzue erantzuteko; egin klik irudian.

ARAUAK

Erantzunak bidaltzeko epea: martxoaren 23ra arte.

Apirilaren 2an jakin ahalko duzue erantzunen puntuazioa. Seigarren proba honetako puntuek azken sarirako balioko dute.

Zer hartuko dugu kontuan? Badakizue, hiru irizpide hartuko ditugu kontuan lanak saritzeko: originaltasuna, egokitasuna eta zenbat landu den. Horien arabera, hiru lan aukeratuko ditugu. Irabazleak 10 puntu jasoko ditu, bigarrenak 8 puntu lortuko ditu eta hirugarrenak, berriz, 6 puntu. Lehengo saria jasotzen duenak, puntuez gain, gela osoarentzako saria jasoko du. Gainerako lanek, 3 puntu eskuratuko dituzte, epez kanpo bidaltzen dutenek 1 puntu eta probarik bidaltzen ez duten ikasgelek 0 puntu izango dute. Gainera, proba bakoitzean arrazoiren batengatik lanen bat nabarmenduz gero, 4 puntu jasoko dituzte lan horien egileek. Aipamenak izango dira lan horiek, eta, gehienez, bost aipamen egingo ditugu probako

Erantzunak nola bidali: zuen erantzunak zernola@elhuyar.com helbidera bidali behar dituzue. OSO GARRANTZITSUA DA mezuaren gaian probaren zenbakia edo izena, ikastetxearen izena eta gelaren maila jartzea. Adibidez, Zamudioko Txirriplon ikastolako DBHko 2A gelak lehen probaren erantzuna bidali nahiko balu, gaian testu hau gehitu beharko luke: "1. proba-Txirriplon ikastola-DBH2A".

Animo, has zaitezte lanean!!! Zuen erantzunen zain gaude!

BABESLEA

Hilabete honetako probaren babeslea eta sari-emailea:

 

SARIA

USB eskumuturrak.