5. proba:

Bueno, bueno... amaierara iristen ari gara, blogari maiteok. Proba eta proba artean, blogeatzen aritu zarete. Gustuko duzue?

Bada, blogeatzen jarraitzea eskatuko dizuegu. Gogoan izan, zuen blogetan berriak sartzeaz gain, gainerakoetan iruzkinak egiteko aukera duzuela.

ARAUAK

Blogak osatzeko gehienezko epea: apirilaren 3ra arte.

Apirilaren 24an jakin ahalko duzue erantzunen puntuazioa. Bosgarren proba honetako puntuek azken sarirako balioko dute.

Zer hartuko dugu kontuan? Zein irizpide hartuko ditugu kontuan lanak saritzeko orduan?

  1. Edukia behar bezala prestatuta egotea.
  2. Blogaren egokitasuna eta originaltasuna.
  3. Erabilitako baliabideen aberastasuna eta edukiak zenbateraino landu diren.
  4. Blogak eragin duen parte-hartzea.

Horien arabera, hiru blog aukeratuko ditugu. Irabazleak 10 puntu jasoko ditu, bigarrenak 8 puntu lortuko ditu, eta hirugarrenak, berriz, 6 puntu. Lehengo saria jasotzen duenak, puntuez gain, gela osoarentzako saria jasoko du. Gainerako lanek 3 puntu eskuratuko dituzte, epez kanpo bidaltzen dutenek 1 puntu eta probarik bidaltzen ez duten ikasgelek 0 puntu izango dute. Gainera, proba bakoitzean arrazoiren batengatik lanen bat nabarmenduz gero, 4 puntu jasoko dituzte lan horien egileek. Aipamenak izango dira lan horiek, eta, gehienez, bost aipamen egingo ditugu probako.


BABESLEAK


Hilabete honetako probaren babesle eta sari-emaileak:

SARIA

Skunkfunken oparia eta Astitzko kobak ikustera joateko sarrerak eta autobusa.